नंबर पोर्टेबिलिटीची सेवा देशभरात सुरु
बहुचर्चित नंबर पोर्टेबिलिटीची सेवा देशभरात आजपासून सुरु होत आहे. या सेवेअंतर्गत मोबाईलचा नंबर तोच ठेऊन ग्राहकांना आपला सर्व्हिस प्रोव्हायडर बदलता येणार आहे.
हरियाणातल्या रोहटक येथून या सेवेची प्रायोगिक तत्वावर सुरुवात झाली होती. त्यानंतर ही सेवा आजपासून देशभरात उपलब्ध होणार आहे. ग्राहकांना आपल्याकडे खेचण्यासाठी मोबाईल कंपन्या सज्ज झाल्यात. त्यामुळे एखाद्या मोबाईल कंपनीच्या सर्व्हिसला तुम्ही कंटाळला असाल तर तुम्ही नंबर तोच ठेऊन दुसरा पर्याय स्वीकारु शकता.
एखाद्या ऑपरेटरची सेवा किमान तीन महिने घेणं ग्राहकासाठी बंधनकारक असेल. प्रीपेड व पोस्टपेड अशा दोन्ही गटातल्या ग्राहकांना या सुविधेचा लाभ घेता येईल. या सर्व्हिसमुळे मोबाईल कंपन्यांनांमध्ये स्पर्धा सुरु होण्याची चिन्हे आहेत.
